KHANUUL.nutag.mn http://khanuul.nutag.mn/ ru KHANUUL.nutag.mn DataLife Engine МАН-ын гишүүд, дэмжигчдийн холбооны ерөнхий нарийн бичгийн даргаар Н.Амартүвшин томилогдлоо http://khanuul.nutag.mn/index.php?newsid=3404 http://khanuul.nutag.mn/index.php?newsid=3404
105 жилийн түүхэн замналтай улс төрийн ууган хүчин Монгол Ардын Нам 300 мянга гаруй гишүүнчлэлтэй том нам. Тус намын анхан шат болон дэргэдэх байгууллагад ажиллаж, намынхаа үйл хэрэгт хувь нэмрээ оруулж ирсэн жирийн гишүүдийнхээ санал бодол, хүсэл зоригийг нэгтгэн намын бодлого шийдвэр гаргах үйл явцад оролцох боломжийг нэмэгдүүлэх нь намын дотоод ардчиллыг бэхжүүлэх чухал үндэс юм.
Энэхүү зорилгын хүрээнд намын жирийн гишүүд, дэмжигчдийн дуу хоолойг сонсох, эрх ашгийг нь хамгаалах, тэдний санал санаачилгыг намын бодлого шийдвэрт тусгуулах, идэвхи оролцоог нь нэмэгдүүлэх, эв нэгдлийг нь хангуулах чиглэлээр ажиллахаар Монгол Ардын Намын Гишүүд, дэмжигчдийн холбоо 2018 онд байгуулагдсан түүхтэй.
Тус холбоо нь анхан шатны жирийн гишүүд, дэмжигчдийнхээ санал бодлыг нэгтгэх, тэдний оролцоог бодитой нэмэгдүүлэх, намын дотоод ардчилал, эв нэгдлийг бэхжүүлэхэд чиглэн ажилладаг байгууллага юм.
Холбооны Удирдах зөвлөлөөс зарим удирдлагын бүрэлдэхүүнээ шинэчилж, улс төр судлаач Н.Амартүвшинг тус Холбооны Ерөнхий нарийн бичгийн даргаар томиллоо.
Н.Амартүвшин нь ХААИС-ийг Инженер-механикч мэргэжлээр төгсөж, Удирдлагын академид Төрийн захиргааны менежментийн чиглэлээр суралцан улмаар МУИС-д Улс төр судлалын чиглэлээр магистрын зэрэг хамгаалсан бөгөөд өдгөө Отгонтэнгэр их сургуульд эрх зүйч мэргэжлээр суралцаж байна.
Түүний ажлын гараа дөрөвдэхь засаглал гэгддэг хэвлэл мэдээллийн салбараас эхэлсэн бөгөөд 2010-2012 онд ZASAG.MN мэдээллийн сайтыг, 2012-2016 онд ТӨР.МН мэдээллийн агентлагийг тус тус үүсгэн байгуулж, захирлаар нь ажилласан туршлагатай.Төр, нийгмийн харилцаа, улс төрийн мэдээлэл, олон нийтийн харилцааны салбарт хуримтлуулсан туршлагадаа тулгуурлан 2016-2017 онд Уул уурхай, хүнд үйлдвэрийн сайдын, 2018-2019 онд Зам, тээврийн хөгжлийн сайдын хэвлэлийн төлөөлөгчөөр тус тус ажиллажээ.
Мөн 2017 оноос Монголын үндэсний сайтын хөгжлийн нэгдсэн холбооны дэд ерөнхийлөгчөөр ажиллаж байгаа бөгөөд 2020-2023 онд “Барилгын хөгжлийн төв” ТӨҮГ-ын хэлтсийн дарга, 2021-2022 онд Монголын залуучуудын холбооны дэд ерөнхийлөгчийн албыг тус тус хашиж байв.
Улс төрийн салбарт тэрээр 2024-2025 онд Говь-Алтай аймгийн Монгол Ардын Намын хорооны орон тооны дэд даргаар ажиллаж, 2025 оноос одоог хүртэл тус хорооны орон тооны бус дэд даргын үүргийг гүйцэтгэж байна. Түүнчлэн Монгол Ардын Намаас орон нутгийн сонгуульд нэр дэвшин оролцож байсан улс төрийн туршлагатай.
Юутай ч Ардын нам дотроо түжигнэлдэж буй энэ үед МАН-ын Гишүүд дэмжигчдийн холбоо хөдөлгөөнд орж эхэллээ.

]]> zulaa Thu, 05 Nov 2026 21:18:07 +0800 Хан-Уул дүүрэгт шинэ холбоос зам байнгын ашиглалтад орлоо http://khanuul.nutag.mn/index.php?newsid=3403 http://khanuul.nutag.mn/index.php?newsid=3403
Нийслэлийн Хан-Уул дүүрэгт төсвийн хөрөнгө оруулалтаар наймдугаар хорооны Дэнжийн замыг Сонсголонгийн замтай холбох авто замын бүтээн байгуулалт бүрэн дуусч, зорчих хөдөлгөөнийг нээжээ. Замын онцлох тоон үзүүлэлт болон тохижилтыг дурдвал,
  • Урт: 514 метр
  • Өргөн: 7 метр (2 эгнээ зорчих хэсэг)
  • Хоёр талдаа явган хүний замтай
  • Нэг талдаа иж бүрэн гэрэлтүүлэгтэй
Шинэ холбоос замтай болсноор тухайн орчмын авто замын түгжрэл буурч, оршин суугчид Сонсголонгийн зам руу хурдан, аюулгүй зорчих боломжтой болж байна.
]]> zulaa Thu, 05 Nov 2026 09:55:58 +0800 Гадаадынхныг шуугиулж буй "China Haul" гэж юу вэ? http://khanuul.nutag.mn/index.php?newsid=3402 http://khanuul.nutag.mn/index.php?newsid=3402 Сүүлийн үед Хятад улстай холбоотой шинэ нэршил гадаадын олон нийтийн сүлжээнд хүчтэй тархаж байна. Тэр нь Хятадаас худалдан авсан бараа бүтээгдэхүүнийг хайрцагнаас нь гаргаж буйг харуулсан бичлэгүүдийг илэрхийлэх "China Haul" (Хятадаас бараа худалдан авах) гэх нэршил юм.Хятадаас худалдаж авсан бүтээгдэхүүнээ задалж буй бичлэгээ нийтлэх гадаадын нөлөөлөгчдийн тоо улам бүр нэмэгдсээр байна. Тэдний худалдан авсан зүйлсийн дунд локват жимсний сироп, "Ганмаолин" зэрэг Хятадын эрүүл мэндийн бүтээгдэхүүн, загварлаг спорт хувцас, ухаалаг нүдний шил, эвхэгддэг ухаалаг утас, түүнчлэн цай, торго зэрэг уламжлалт онцгой бүтээгдэхүүнүүд багтаж байна.
  
Өмнө нь Хятадын худалдан авагчид гадаадад очиж их хэмжээгээр бараа худалдан авдаг байсан бол одоо гадаадын жуулчид бараа бүтээгдэхүүн худалдан авахаар Хятад улсыг зорих болжээ. Энэхүү өөрчлөлт нь Хятадын үйлдвэрлэлийн салбар, технологийн шинэчлэл болон нээлттэй байдлын бодлогын нэгдсэн хүчин чадалд тулгуурлаж байна.


Чанартай бүтээгдэхүүн бол Хятад улсын дэлхий дахинд татахуйц байдлын гол үндэс юм. Сонгодог торго, цайнаас эхлээд ухаалаг төхөөрөмж, боломжийн үнэтэй дотоодын брэндүүд гээд худалдан авагч бүрийн сонирхолд нийцэх зүйл энд олон бий.
 
Уламжлалт эрүүл мэндийн бараа бүтээгдэхүүн болон өдөр тутмын хэрэгцээний өвөрмөц бараа бүтээгдэхүүнүүд гадаадын хэрэглэгчдийг татаж байна. Хятад улс "Хятадад үйлдвэрлэв"-ээс "Хятадад ухаалаг үйлдвэрлэв" болж хөгжиж байна. Үйлдвэрлэлийн бүрэн гүйцэд сүлжээ нь олон төрлийн дээд зэрэглэлийн бүтээгдэхүүнийг үйлдвэрлэж байгаа бөгөөд энэ нь China Haul-ийн сэтгэл татам байдлыг улам бүр нэмэгдүүлж байна.


Дэмжих бодлогууд нь худалдан авалтын сайхан мэдрэмжийг төрүүлдэг. Хятад улс нэг талын визгүй зорчих хүрээгээ өргөжүүлэх, гадагш зорчигчдод олгох татварын буцаан олголтын үйлчилгээг сайжруулах, гар утасны төлбөр тооцоо зэрэг цахим үйлчилгээг нэвтрүүлэх ажлуудыг үргэлжлүүлэн хийснээр гадаадын жуулчдад худалдан авалт хийхэд илүү хялбар болж байна. Гадаадын үзмэр сонирхогчид хэрэглэгч болон хувирч, зүгээр нэг үзэж сонирхохоос бараа бүтээгдэхүүнийг бөөнөөр нь худалдан авах үйл явц руу шилжиж байна.
   
Соёлын арга хэмжээ, туршлага нь хэрэглээний өсөлтийг эрчимжүүлж байна. Гадаадын жуулчид одоо зөвхөн Цагаан хэрэм, эсвэл Хааны ордон музейд очоод зогсохгүй болжээ. Тэд Хятад цай, эрүүл мэндийн эмчилгээг туршин үзэж, хөдөө орон нутгаар аялан, орон нутгийн амьдралыг мэдэрч байна. Тэд зөвхөн бараа бүтээгдэхүүн төдийгүй Хятадын брэндүүд болон Хятадын амьдралын хэв маягийг танихын тулд худалдан авалт хийдэг.


"China Haul" чиг хандлага нь Хятадын өндөр түвшний нээлттэй байдлыг тод харуулж байна. Хятад улс "Хятадад худалдан авалт хийх", "Хятадад хөрөнгө оруулалт хийх" зэрэг брэндүүдийг хөгжүүлэхийн зэрэгцээ дотоодод чиглэсэн хэрэглээний дэд бүтцээ тасралтгүй сайжруулж, илүү олон гадаадын иргэнд Хятад улсад биечлэн зочилж, өдөр тутмын амьдралын хөл хөдөлгөөнөөр дүүрэн жинхэнэ Хятад орныг таних мэдэх боломж олгохийг хичээж байна.

Ерөнхий редактор : Ё.Хишигбаяр
Редактор : Т.Шинэцэцэг
Эх сурвалж : people.com.cn

]]> zulaa Wed, 04 Nov 2026 18:36:05 +0800 Газарзүйн хязгаараас цааш нэртэй 3 улсын хөгжлийн түүх http://khanuul.nutag.mn/index.php?newsid=3401 http://khanuul.nutag.mn/index.php?newsid=3401
Газарзүйн хязгаараас цааш нэртэй 3 улсын хөгжлийн түүхийг хурцаар харьцуулсан ЕС асан Г.Занданшатарын лекцийг эмхэтгэн боловсрол, мэдлэг олгох зорилгоор бэлтгэлээ.

]]> zulaa Wed, 04 Nov 2026 13:03:03 +0800 Г.Занданшатар: Оюу толгойн гэрээ болон ногдол ашгийн талаар... http://khanuul.nutag.mn/index.php?newsid=3400 http://khanuul.nutag.mn/index.php?newsid=3400


]]> zulaa Wed, 04 Nov 2026 10:02:02 +0800 Нийслэлийн хүүхдүүдийн 60.2 хувь нь эрт илрүүлэгт хамрагджээ http://khanuul.nutag.mn/index.php?newsid=3399 http://khanuul.nutag.mn/index.php?newsid=3399
Эрт илрүүлэгт хүүхдийн 60.2 хувийг үзлэгт хамруулжээ Нийслэлийн хэмжээнд хүүхдийн цэцэрлэг, ерөнхий боловсролын сургуульд суурилсан эрүүл мэндийн урьдчилан сэргийлэх, эрт илрүүлэг үзлэг үргэлжилж байна. Нийслэлийн хэмжээнд нийт 131,596 хүүхдийг эрүүл мэндийн урьдчилан сэргийлэх, эрт илрүүлэх үзлэгт хамруулахаар төлөвлөн ажиллаж байгаа. 2026 оны 11 дүгээр сарын 02-ны өдрийн байдлаар төлөвлөсөн хүүхдийн 60.2 хувийг үзлэгт хамруулаад байна. Эцэг, эх, асран хамгаалагчид та бүхэн хүүхдийнхээ эрүүл мэнд, өсөлт хөгжлийн төлөө товлосон хугацаанд нь урьдчилан сэргийлэх, эрт илрүүлэх үзлэгт идэвхтэй хамруулаарай.]]> zulaa Tue, 03 Nov 2026 12:03:35 +0800 ТАНИЛЦ: Ирэх сарын 01-нээс эхэлж цалин ингэж нэмэгдэнэ http://khanuul.nutag.mn/index.php?newsid=3398 http://khanuul.nutag.mn/index.php?newsid=3398 Өнөөдрийн Засгийн газрын хуралдаанаар цалин, тэтгэвэр, тэтгэмжийн нэмэгдлийг баталжээ. Энэ талаар ГБХНХ-ын сайд Т.Аубакир танилцууллаа. Тэгвэл дараах байдлаар цалин нэмэгдэх нь ээ. 
  • 1
  • 2
  • 3
  • 4
  • 5
  • 6
]]> zulaa Fri, 30 Oct 2026 11:19:41 +0800 Г.Занданшатар Сингапурт олон улсын хэлэлцүүлгийн үндсэн илтгэл тавив http://khanuul.nutag.mn/index.php?newsid=3397 http://khanuul.nutag.mn/index.php?newsid=3397
Сингапурт зохион байгуулагдаж буй “Номхон далай дамнасан тогтвортой хөгжлийн хэлэлцүүлэг 2026” олон улсын арга хэмжээг Г.Занданшатар үндсэн илтгэлээрээ нээжээ.
Тэрбээр “Дэлхийн удирдагчдын чуулган” хэсэгт НҮБ-ын Тогтвортой хөгжлийн 12 дугаар зорилт болох хариуцлагатай хэрэглээ, үйлдвэрлэлийг дэмжих чиглэлээр Монгол Улсын туршлага, цаашдын боломжийн талаар байр сууриа хуваалцжээ.

]]> zulaa Mon, 26 Oct 2026 18:15:11 +0800 П.Баярхүү: Хуулийн өмнө дуудагдсан бол үнэн шударгаа хүлээгээд шалгуулдаг байх ёстой http://khanuul.nutag.mn/index.php?newsid=3396 http://khanuul.nutag.mn/index.php?newsid=3396
П.Баярхүү: Хуулийн өмнө дуудагдсан бол үнэн шударгаа хүлээгээд шалгуулдаг байх ёстой. Жагсаалтын гишүүд даргадаа үйлчилж намын гишүүдийг хагалгаж байна

]]> zulaa Mon, 26 Oct 2026 15:58:25 +0800 Францад 2,500 гаруй хүнийг баривчилжээ http://khanuul.nutag.mn/index.php?newsid=3395 http://khanuul.nutag.mn/index.php?newsid=3395
Францын эрх баригчид Парис хотын төвийн зарим хэсэг болон бусад хотод шөнийн цагаар хөл хорио тогтоожээ. Парис хотын цагдаагийн газраас мэдээлснээр, жагсагчид цугларсан Бүгд найрамдах улсын талбай болон Лез-Аль худалдааны бүсэд орон нутгийн цагаар 23.00–06.00 цагийн хооронд хөл хорио тогтоосон аж. Мөн хотын төвийн хэд хэдэн хэсэгт зөвшөөрөлгүй жагсаал, цуглаан зохион байгуулахыг хоригложээ. Марсель, Бордо, Ницца, Лион, Лилль зэрэг хотод ч хэсэгчилсэн хөл хорио тогтоож, залуусын хөдөлгөөн болон олон нийтийн цуглаанд хязгаарлалт тавьсан байна.
Өнгөрсөн сард оюутнууд сургуулийн орчин нөхцөлийг сайжруулахыг шаардаж өнгөрсөн сард жагсаал эхэлсэн. Явцдаа шатахууны үнийн өсөлт, амьжиргааны өртөг нэмэгдсэн, төрийн үйлчилгээ, тэр дундаа боловсролын салбарын нөхцөл доройтсоныг эсэргүүцсэн өргөн хүрээний хөдөлгөөн болон өргөжжээ. Өнгөрсөн амралтын өдрүүдэд үйлдвэрчний эвлэлүүд болон бусад эсэргүүцлийн бүлгүүд нэгдсэнээр жагсагчдын тоо нэмэгдэж, нийт 550 мянга орчим хүн гудамжинд гарсан байна.
Эрх баригчдын мэдээлснээр, үймээн самуунтай холбоотойгоор 2,500 гаруй хүнийг баривчилсан. Мөн 1,000 орчим цагдаагийн алба хаагч гэмтжээ.
Түүчнлэн цагдаа нарын үймээн дарах зориулалттай шидсэн гранатад өртсөн нэг жагсагчийн гар тасарсан тухай Францын "AFP" агентлаг мэдээлсэн байна.
Даваа гаригт /2026.10.19/ болсон шуурхай хуралдааны дараа ерөнхий сайд Себастьян Лекорню орон нутгийн захиргааны удирдлагуудад шаардлагатай тохиолдолд хөл хорио тогтоох эрх олгосноо мэдэгджээ. Тэрбээр улс даяар онц байдал зарлах боломжийг үгүйсгээгүй. Мөн үймээн самууны улмаас хохирол амссан бүс нутгуудыг сэргээн босгоход зориулж санхүүжилт гаргахаа мэдэгдсэн байна. Гэхдээ уг зардлыг хохирол учруулсан этгээдүүдээр нөхөн төлүүлэх хууль эрх зүйн зохицуулалт боловсруулахаа онцолжээ.
Үүнээс гадна үймээн самуун, дээрэм тонуулын улмаас ажиллах боломжгүй болсон хүмүүст зориулсан ажилгүйдлийн тэтгэмжийн тусгай санхүүжилт гаргахаар болсон байна.
Дотоод хэргийн сайд Лоран Нуньесийн мэдээлснээр, мөрдөн шалгах 200 ажилтан хяналтын камерын бичлэгүүдэд дүн шинжилгээ хийж, үймээнийг зохион байгуулсан байж болзошгүй этгээдүүдийг тогтоохоор ажиллаж байгаа аж.
Үймээн самууны үед бэлтгэл хангалтгүй байсан гэж сөрөг хүчний улстөрчид шүүмжилсний дараа Нуньес Ням гаригт огцрох хүсэлт гаргасан юм. Гэсэн хэдий ч ерөнхийлөгч Эммануэль Макрон түүний хүсэлтийг хүлээж аваагүй байна. Харин Макрон хууль сахиулах байгууллагуудын бэлтгэл болон нөхцөл байдлыг урьдчилан тооцоолоход гарсан алдаа дутагдлыг ил тод тайлбарлахыг сайдад үүрэг болгожээ.
Францын Худалдаа, аж үйлдвэрийн танхимуудын тэргүүн Ален Ди Кресченцогийн мэдээлснээр, өнгөрсөн амралтын өдрүүдийн хүчирхийлэл, дээрэм тонуулын улмаас 2,000 гаруй дэлгүүр, аж ахуйн нэгж шууд хохирол амссан.
Учирсан хохирлыг хэдэн зуун сая еврогоор хэмжиж байгаа аж. Марсель хотын худалдаа эрхлэгчид бизнесээ цаашид үргэлжлүүлж чадах эсэхдээ санаа зовниж байгааг тус хотын Худалдаа, аж үйлдвэрийн танхимын тэргүүн Жан-Люк Шовен "BBC"-д ярьжээ. Мөн дээрэмдсэн бараа бүтээгдэхүүнийг цахим худалдааны зарим платформоор дамжуулан худалдахаар байршуулсан байсныг Францын засгийн газрын хоёр сайд мэдээлсэн байна. Харин "Vinted"  платформын төлөөлөгч хулгайлсан эд зүйл худалдах, худалдахыг санал болгохыг хатуу хориглодог бөгөөд сэжигтэй заруудыг илрүүлж устгах хяналтаа нэмэгдүүлсэн гэж мэдэгджээ.
Үймээн самуун үргэлжилж буйтай холбогдуулан АНУ-ын Элчин сайдын яам иргэддээ жагсаал болж буй газруудаас зайлсхийж, олон хүн цугларсан бүсэд ойр байгаа тохиолдолд болгоомжтой байхыг анхааруулсан байна. Хятад, Герман улс ч иргэддээ ижил төстэй сэрэмжлүүлэг гаргажээ.
Үүний зэрэгцээ эрх баригчид зүүний үзэл баримтлалтай “Францын үл захирагдагсад” намыг хүчирхийлэлд нөлөөлсөн байж болзошгүй гэж буруутгасан байна. Ерөнхий сайд Лекорню зарим бүлэг ирэх оны ерөнхийлөгчийн сонгууль хүртэл улс оронд эмх замбараагүй байдал үүсгэхийг зорьж байна гэж мэдэгджээ. Харин тус намын удирдагч Жан-Люк Меланшон ерөнхий сайдыг буруутгалаа нотлох, эсвэл уучлал гуйж, эмх замбараагүй байдлыг өдөөхөө зогсоохыг шаардсан байна.
ЭХ СУРВАЛЖ: BBC
]]> zulaa Fri, 23 Oct 2026 11:55:46 +0800