Өчигдөр буюу арванхоёрдугаар сарын 11-ний өдөр Хан-Уул дүүрэгт үйл ажиллагаа явуулдаг дунд сургуулийн сурагчид үл мэдэгдэх хийнд хордсон байж болзошгүй гэх мэдээлэл гараад байна.

Энэ талаар Цагдаагийн ерөнхий газраас тодруулахад“Цагдаагийн байгууллагад 2023 оны арванхоёрдугаар сарын 12-ны өдрийн 11 цаг 15 минутад Хан-Уул дүүргийн 3 дугаар хорооны нутаг дэвсгэрт үйл ажиллагаа явуулдаг сургуулийн танхимд “Хүүхэд юм цацсан амьсгал боогдоод байна” гэх дуудлага, мэдээлэл бүртгэгдсэн. Хан-Уул дүүргийн цагдаагийн газрын нэгдүгээр хэлтсээс шалгахад урьдчилсан байдлаар тус сургуулийн наймдугаар ангийн эрэгтэй сурагч гэрээсээ авчирсан нулимс асгаруулагч байж болзошгүй зүйлийг ангидаа цацсан гэх нөхцөл байдал тогтоогдож гомдол, мэдээллийн бүртгэлд хүлээн авч, шалгаж байна” гэлээ.