Сайд П.Наранбаярын 1.2 тэрбум төгрөгийн асуудлыг шалгуулахаар Засгийн газар АТГ-т ханджээ
УИХ-ын гишүүн Б.Бат-Эрдэнэ, Н.Батсүмбэрэл, Б.Баярбаатар нарын гишүүд өнгөрсөн зургаадугаар сарын 25-ны өдөр Боловсролын сайд П.Наранбаярыг огцруулах асуудлаар Ерөнхий сайдад шаардлага хүргүүлсэн.
Тэд хэлэхдээ, Боловсролын сайд П.Наранбаяр нь өөрийн өмнө ажиллаж байсан хуулийн этгээд рүү улсын төсвөөс 1.2 тэрбум төгрөгийг шилжүүлсэн байж болзошгүй гэх баримтыг мэдээлж байв.
Засгийн газраас Боловсролын сайд П.Наранбаярын Шинэ Монгол нийгэмд үйлчлэх төрийн бус байгууллагад олгосон 1.2 тэрбум төгрөг нь авлига, ашиг сонирхлын зөрчил үүсгэж байгаа эсэхийг нягтлуулахаар Авлигатай тэмцэх газарт хүргүүлсэн байна.