БНАСАУ цөмийн зэвсгийн хөгжүүлэлтээ үргэлжлүүлж байна

397

ЛОНДОН.
 /Reuters/. Хэд хэдэн улс орны шинжээчдийн үзэж байгаагаар, БНАСАУ цөмийн зэвсгийн хөгжүүлэлтээ үргэлжлүүлсээр байгаа бөгөөд баллистик пуужиндаа зориулагдсан цөмийн шинэ төхөөрөмжийг хөгжүүлсэн байж магадгүй байна. Энэ тухай НҮБ-ын Аюулгүйн зөвлөлийн дэргэдэх БНАСАУ-д авсан хоригийн хэрэгжилтэнд хяналт тавих хорооноос танилцуулсан шинжээчдийн илтгэлд дурджээ. 
“БНАСАУ цөмийн хөтөлбөрөө үргэлжлүүлж, тэр дундаа өндөр хэмжээнд баяжуулсан уран үйлдвэрлэх, хөнгөн усны туршилтын реактор барьж байна. БНАСАУ цөмийн зэвсэг үйлдвэрлэсээр байна гэж НҮБ-ын гишүүн орнуудын нэг нь үзэж байна” хэмээн илтгэлд дурджээ.
 
Түүнчлэн энэхүү баримт бичигт дурдсанаар, БНАСАУ-ын эрх баригчид сүүлийн 6 удаагийн цөмийн туршилтыг явуулах үеэрээ цөмийн цэнэгт хошуу бүхий баллистик пуужинд тохирох жижигхэн цөмийн төхөөрөмжийг хөгжүүлсэн байх өндөр магадлалтай бөгөөд энэ технологио хөгжүүлсээр байх болно гэж хэд хэдэн орон үзэж байгаа аж. Гэсэн ч илтгэлд аль орон ийнхүү мэдэгдсэнийг дурдаагүй байна. 
 
 
Э.АянзаяаЭх сурвалж: Монцамэ агентлаг
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд khanuul.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
khanuul.nutag.mn