Нийслэлийн Хан-Уул дүүргийн Эрүүл мэндийн төвийн эмнэлгийн эмч, ажилчид эсэргүүцэл илэрхийлж байгаа тухайгаа сошиал орчинд мэдээллээ. Эмч, ажилчид Хан-Уул Эрүүл мэндийн төвийн дарга А.Сувдааг ажлаас нь чөлөөлөх хүсэлт гаргаж, гарын үсэг цуглуулж эхэлжээ. Тодруулбал 6-7 сарын нийгмийн даатгалын шимтгэл төлөөгүй, цалин тасалдсан. Үйлчлүүлэгч хүлээн авахад шаардлагатай нэг удаагийн хэрэгсэл байхгүйн улмаас үзлэг хийх боломжгүй байгаа талаар хэллээ. Түүнчлэн илүү цагийн нэмэгдэл цалин хөлсөө цаг тухайд нь авах хүсэлтэй байгаа талаараа шаардлага хүргүүлсэн юм.

Эмч, ажилчдын хэлж буйгаар тухайн эрүүл төв хүн хүч байхгүй гэх шалтгаанаар илүү цагаар ажиллуулж, мөн нэн шаардлагатай эмчилгээ, шинжилгээг зогсоосноос иргэдийн зүгээс өргөдөл, гомдол тасрахгүй байгаа аж.

https://news.mn/r/2758818/