“Time” сэтгүүл АНУ-ын Ерөнхийлөгчийн зурагтай шинэ хавтасны зургаа танилцуулав. Өмнөх хувилбарт нь Цагаан ордны эзний үс нь "алга болсон” зураг тавигдаж Трампын шүүмжлэлд өртсөн юм.

Шинэ зурагт Трамп зууван танхимдаа хөмсөг зангидан бодлогошрон сууж буйгаар дүрслэгджээ. Сэтгүүлийн гол сэдэв нь Америкийн удирдагчийн олон улсын хүчин чармайлтыг голчлон харуулсан "Трампын ертөнц" юм.  

Сануулахад, аравдугаар сарын дундуур “Time” сэтгүүл нүүрэндээ Трампын зургийг нийтэлсэн нь шуугиан дэгдээсэн билээ. Өөрийнх нь үс бараг гараагүй талаар Трамп гомдоллож зургийг устгахыг шаардсан юм.