Иргэн “Б” нь гурван жилийн хугацаанд 260 иргэнтэй гэрээ байгуулан баригдаж буй барилгадаа 20-120 сая төгрөгийн урьдчилсан захиалга авч бусдад нийт 2,0 тэрбум гаруй төгрөгийн хохирол учруулж залилсан болохыг тогтоогоод байна.

Иймд иргэд Та бүхэн орон сууц захиалгаар худалдан авах нь ашиглалтад орсон байр худалдан авахаас хавьгүй их эрсдэл дагуулдаг гэдгийг анхаарч, барилга барьж буй компаний найдвартай байдлыг шалгаж, дараах зүйлсийг заавал нягтлаарай.

Үүнд: Улсын бүртгэлд бүртгэлтэй эсэх, өмнө нь ямар төслүүд амжилттай хэрэгжүүлж, хугацаандаа ашиглалтад оруулсан болох, шүүхийн өр төлбөртэй эсэх, барилгын зөвшөөрөл баримт бичгүүд бүрэн эсэхийг нягталж шалгасны үндсэн гэрээ байгуулж, энэ чиглэлийн мэргэшсэн иргэн, хуулийн этгээдэд хандаж, эрсдэлээс сэргийлээрэй.