"Мөнххада" компанийн халдварын голомтыг тогтоожээ. Тодруулбал, халдвартай нь батлагдсан тохиолдолтой тус компанийн батлагдсан эхний тохиолдол хавьтал болсоноос улбаалж, тус компанид халдвар тархсан гэж ХӨСҮТ-ийн Тандалт, судалгааны албаны дарга А.Амбасэлмаа мэдээллээ. 

Тухайн компани арванхоёрдугаар сарын 14-22-ны хооронд ажилласан бөгөөд 22-ны өдөр нууцаар томоохон арга хэмжээ зохион байгуулсныг Шадар сайд Я.Содбаатар мэдээлсэн. Ингээд хоёр ажилтан нь халдвартай нь батлагдаж, улмаар тархалт нэмэгдсээр тус компанийн голомтоос 17 хүн халдвар аваад байгаа юм. Тодруулбал, зургаан ажилтан нь халдвар авч, үүнээс улбаалаад ар гэрийн 11 хүн халдвар авсан байна.